The Evacuee
For this year’s Burns Supper the primary7s had to learn a poem,this one is called The Evacuee.
The Evacuee
Ma gas mask boax hings frae ma neck,
Tears drappin frae ma ee;
Sniff’n blink; keep strecht in line;
I’m anither evacuee.
The Germans are comin, us bairns hiv tae gae;
For safety’s sake we’ve tae flee;
They’ll bomb a’oor hooses an schules an things,
But I’m only six- an juist wee.
I’ve left ma ain street an ma freens,
I’m pairt o this lang crocodile
O name- tagged weans (case we get lost)
Lookin roon I see niver a smile.
Big fowk are shoutin at us tae get on
The train streamin at the platform;
We clamber aboard,fecht for a seat
By the windae whaur sun’s streamin warm.
I clutch on ma knees ma wee broon case,
I’ve tae keep it safe , ye, see ;
It’s got ma toothpaste an pyjammys an things
That ye need tae live in the country.
For that’s whaur we’re goin, wi strangers tae bide;
I wunner if they’ll like me?
I feel awfu lonely an frichtit inside,
For I’m only six- an gey wee.
A puff an a toot, the train hurls oot,
An ma breist’s churnin nervously;
Will I ever see ma mammy again?
For I’m only six-an I’m wee
posted by Erin
